De Wiener Steffie in Köln hett gliektiddig den´n gröttsten Toloop ünner de Lokool´n in´t Rheinland. Datt Lokool iss in een affsekerten Wohnruuhm inbetrucken und dordöör allerbest versöörgt, veerhunnertfüfftig Autos köönt in datt Huus ünnerbrocht weer´n, in fief Minüt büsst to Foot öwer de hooge Stroot bi den´n Kölner Boohnhoff, grötter Persoo´nfoortüge köönt vör de Döör anholl´n, in twee Minüt büsst to Foot an de Strootenboohn - Tostiegstee Heumarkt,een groot Foohrünnernehm vör Minschen iss vör de Döör. Wiel de Wiener Steffie tüschen de Ollstadt und datt Footpadd hooge Stroot liggt, koomt de Lüüh ut de wiede Wellt in ditt Lokool und vertellt to Huus, wie wunnerschöön datt door doch iss.

De eenmoohligen köllschen Leeder, de Oll´n Schlooger, off dütsch oder englisch, vergnöögte Danzleeder ut de Karnevalstiet mookt ditt Lokool bi sien Besööker aaltiet weer to een unvergeeten Beleewen an soo´n vergnöögten Obend, woor man utlooten und lüsstig de Olldaggssöörgen vergeeten kann.

Uter enkellt Besööker, de in de freeé Utstroolung gau und licht neeé Fründschaften schluu´t, koomt meesttiet Lüüh in de Wiener Steffie, de eer´n Pullterobend oder Ge burtsdagg fier´n willt. Nettso sünnt Bedriewsfier´n, Wiehnachtsfier´n und soo´n Masse anner Begeewenheiten de Grund doorvör, bi de Wiener Steffie rinntokieken.

Grötter Gruppen, kummt drupp an, watt se willt, wurd mit de Ööpnungstieden Freedoogs Sooterdoogs und vör jeden Fierdagg mit inbetrucken, oder een besünner´n Ööpnungsdagg wurd von de Huusverwalltung vör de Lüüh, de alleen fier´n willt, an booden.

Männig Vereen meent, wenn se sück anmeel´d, datt se een tein Liter Fatt Beer,-Pittermännchen-torüch stell´n looten moot, datt deiht bi de Wiener Steffie nich nöödig, de weet genau, datt de een oder anner Vereen leewer sülwen an den´n Beerkroon dreiht.

Lüüh, de von Uterhalb koomt und to´n eersten Mool bi de Wiener Steffie to Besöök sünnt, wunnert sück immer weer, datt in de Kölner Ollstadt so´n groot Lokool mit so´n gewalltigen Danzbodden antodroopen iss.

Wer obend´s in de Wiener Steffie will, de schull tiddig henn goon,een Danzlokool vör jung Lüüh füllt sück eerst teemlich loot, doch in de Wiener Steffie dröppt man jung und ollt an und aff twintig Üühr iss datt Huus meesttiet vull.